ادي اخرة اللي يمشي مع البنات

قصة قريتها عجبتني فجبتها لكم اتمنى انها تنال اعجابكم


هدى : (برومانسيه) شايف النجوم يامحمد


محمد: نجوم ايه بس فى غز الظهر .. دا انا الشمس حرقت افايا


هدى: الله يامحمد بص السحابه اللى هناك دى اللى عليها العصافير


محمد: لا والله ياحبيبتى انا مش شايفها .. بس شايف دخان عربيات خنقنى


هدى: يوووووووه يامحمد خليك رومانسى شويه


محمد: رومانسى ايه بس وانتى مخرجانى فى عز الضهر كده .. انا الشمس كلت وشى وقالت انا شبعت


هدى : انت مش بتحبنى والا ايه

محمد: ياستى بحبك


هدى: لاء انت كداب انت مش بتحبنى


محمد: يعنى اولع فى نفسى بجاز عشان تصدقى انى بحبك


هدى : (والدموع على خدها) لا يامحمد انت اتغيرت خالص


محمد: ياحبيبتى والله بحبك


هدى : لاء يامحمد متصلحش اللى انت عملته


محمد: وهو انا كنت عملت ايه بس


هدى : (تعيط) اهئ اهئ اهئ


محمد: بتعيطى ليه دلوقت


هدى: محمد طلقنى يامحمد


محمد: هوا احنا لسه اتجوزنا عشان اطلئك

هدى :يعنى كمان مش عايز تطلقنى


محمد: (يشد فى شعره) يادى الليله السودا .. انا ايه اللى خرجنى بس


هدى : كمان خليتها ليله سودا .. يعنى انا اللى خرجتك غصب عنك


محمد: ياستى مش قصدى. بصى انا مش هرد عليكى عشان مانتخانئش


هدى : للدرجادى قرفان منى


محمد: (وشه يحمر من الغيظ) يعنى انتى عايزه تتخانئى وخلاص


هدى : يعنى انا نكاديه يامحمد


محمد: لاء ......انا اللى .........

هدى: انت بتاخدنى على اد عقلى


محمد: حقك عليا وادى راسك ابوسها


هدى: ياسلام كده بكل بساطه

فجأه يقف محمد على سور الكوبرى ويرمى نفسه فى الميه

هدى : يعنى تفتكر يامحمد انى كده هسامحك




هههههههههههههههههههههههههههههههههه

هي دي آخرة اللي يمشي مع بنات




في حفظ الله ورعايته

مع تحياتي لصديقي خالد المصري .
[img]http://sphot

خفه يا اس اس انتى وخالد صقر وانا غلطان انى بقراء كلامك يا مسيحالى
هههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه

على فكرة مش خالد صقر اللي انا اقصده بس خالد تاني وهو اساسا اللي نشرها في احد المنتديات وانا لاعجابي بيها قررت نشرها هنا عشان تشوفوها

اسف يا اس اس

لا داعي للاسف