اشعار حب قصيره

(.. [ خفوق الغلا ] .. )


::: ودّي أسألك .. ! :::


إن كان ودي أسألك
في سؤالي كم هائل أسئله..

مدري أبدا بالسؤال الجوهري
ولاّ أخذ من سؤالي أسهله ..

وإن عزمت أرسل سؤالي
أتعب أنسج في الكلام واجهله ..

وشلون أبكتب صيغته وشلون ؟!!!
يا كيف ابسأل قلبك اللي أمهله..؟!!

كلما كتبته أمسحه ثم
اكتبه ثم امسحه.. !! اعقبي يا مهزله!

يا ني عجبت لحال فعلي..!
كيف أبسأل سيدي ..وهذا سؤالي هجوله ؟!!

ياكم كتبته وامسحه إما بدمعي
أو كسير المرسمه أو مكحله ..!

وانته تناشدني أقول اللي فبالي
وش اقول ؟!! والمعالي في جبالي أسفله!؟؟

خلني أرتاح تكفى لا تبعثرني
خلني وأدري بحالك يا عزيز المرّجله

مصعب حروف الشعر لكن ..
في غلاك أكتب قصيدي ومسهله ..!

الله .. الله يا حُسن القوافي فيك ..
ويا بخت البيوت اللي باسمك تحمله !


أما سؤالي !! .. قلت لك
لو فيني حيل أكتبه من اوله !!

لكن جبانه !!.. ما يخوفني أبد
إلا حبيبٍ صعب واجد أزِعله !

لكن عزاي إني بشعري أكتبه
أسرر حروفه بين حرفي وأهمله ..

وأرجع أحمله ثم اهلمه ثم ..
أحضن في خفوقي حب ساكن بأكمله

وإنت تدري وآنا أدري ..
وكلنا ندري ابزمااان المشكله ..!

يمكن سؤالي صعب لكن الصعوبه ..
في عمود البيت ترفض أرسله !!,

فينا عوايد ما تكون إلا سلوم ٍ
ما لها بالدين ساس ولا لها من مدخله !!

وش حيلتي ..؟إلا خفوقٍ يا وليف ٍ
يا شموخٍ ما توازيك الصفوف المقبله

وش حيلتك في من يحبك وينتظر
إما وصالك أجمعه ولا شتاتك أقبله ؟




:
:

..........................

::: إنتبه يزعل :::

يا عيني كفي الدمع
دخيل الله كفيه ..!

حرام اللي تساويه
ما نساك اللي تناديه

فقد لأه وفقد هاه وفقد إيه !!
ويا عيني دموعك ما فقدتيه

عُقب حالت ..
رياح البعد في هالتيه!!

نذر بالله ..
باسجل مواقف تحتمل تنبيه!!

حبيبك أحذرك أصحى
يجي يومن تخـــليه !!

حبيبك انتبه يزعل
هواه إنك تداريه !!



تعارك إنت واظروفك
وهذب حرفك أقوالك

وصبـّـح في صباحه حُب
ومســّــه شوق أحضانك
:
:
:

....................

::: كيف يا عيني تنامي ::: ؟

كيف يا عيني تنامي
عقب هذا اللي حصل ؟

هذي مأسات المآسي ..
هذي ذبحات الأمل !
...

راح هذا اللي وهبته
من ضلوعي ما نبض

راح واقفيت الليالي
يحترق دمعي نهض
...

ما بقالي من حياتي
غير صرخات العجب ْ !

كلها أهواااااااه فينه ؟
حالتي عقبه شغب
...

كلها أنعااااااه حــــي
وان توفى ألحقه

وإن بقى منّه سوالفيه
وضحكاته ولــــه
...

احتمال إني بســـافر
وأجمل الماضي سجـــا

واجمع أوراق المشاعر
وأقطع أوراق الغــــلا !

..................

::: مستحيل إني أصرّح :::

يصبح علي الصــبح .. بسم الله ثم اسمه أقوله

يمسي بي مسائن .. زاد في ظيمي حموله

ما قويت أحمل دموعن .. هيّظت ثم أجهظوا له

واعذره يجهل بني آد .. م أحبَه في خجــولــه

مستحيل إني أصرّح .. وأعترف له في عجوله

إيه أحبه بس يمكن .. مـا يحب أحدن ينوله !!

ودام مقدر أفضح احسا.. سن كريمن ذا سيولـــه

من عرفت أنظم قصايد .. ما تعبت أرخي ذلوله

أدري لو يدري غلاته .. ما تحمل في ذهوله !

وادري لو يفهم ويعرف .. ما يفرّق في ميولــه

:
:

::: قصيدة الميلاد :::

واحده من ثلاث قصائد لهذه المناسبه
:

بالأمس أنظم قصيدة مدح
واليوم أبهجو,, يوم ميلادي
مثل أمسي ..
نــام وقام سيان ِ !!
شفت إشلون ..
شفت أيام تسعا بي ؟!!
و يا عمري ..
وبدري بدرها بــادي ..
و ما أدري ..
وأنا وابخاطري بـــاكي
ولكن فيني الضحكة
وبوسط روحي حسافاتي
أبوي ينسى يهنيني
وذاك الغايب السالي !!
وأمي ؛؛ ودها تقصد
ولكن قصدها ثاني !!
فديتج أقصدي فيني
ولو قصدج تسبيني !
أوريج العمر سارح
وبكره ؛؛
رايحن فيني
حروف الشعر ملتني
وأشد القاف عــاندني !
I
I
I
فهل أبكي على ماكان ؟!!
أو إللي بالقدر مــاهـــان؟!
أويلاه العمر خلّــص
وحالي من رداته شـــان !
أصيح ودمعتن ناخت
على خدن ظناه الشوق
لدارن فــ السما تلمع
ودارن ما بعد بانــــت!
I
I
I
فليتك يا موطنك قلبي
تكون أول مهنيني
أكون بكلمتك مبروك
كطفلن غرد ابضحكه
فعالم أزهر بروحي
واطير ودنيتي جنه
وقلبي حضّن الوردات
I
I
I
تعالوا عندي ما يكفي
بدمعن ما عرف ظني
أصبه من صباح الهم
وأضمه ضمّة المقهور
يبي يبكي .. يبي مدري
وهذا بس ليش إني
بتاريخ اليوم ......
ميلادي !! !!

.... .. ....

:: مدمنه ::

ناس أدمنت شرب شاي
تشربه .. عادي وهذي سواته

وسيء الحظ أدمن سيجاره
وضايع الدين أدمن الكاسه

ومن حبه الله تداوى ..
ومشفى الأمل موطن دواته

وأنا بري حالي أدمن الشوق
أدمن العشق وان شفت هاته

صرت آتفيا ظلال شمسه
أشري براده عن هبايب دفاته

أحبه وأدمنه ما يدمن العاشق
حبيبه إلا وهو أول هــواته

ماخبرت القلب يهوى وفي هوته
طاح وتوهق فــــي شتاته

أدمن الراهي شديد المهابه
أدمن طروبه لو لقمتي منه الفتاته

داو اللي أدمن غلاتك بالغلا
ماخبرنا المشافي داوت سكاته

......


:: كـــــــب الكتـــــاب ::

اعتبرني سحاب ٍ مـَرّ واهطل بدمع وجدانه
أو هبني سراب أغشى على عين ظميــان

ولّا شروق الشمع أكسف الشمع دانـــه
واحسن أكون الجرف في درب عميـــان

واقديت لو أنا من السهل فقدانـــــــه
كـــب الكتــاب اللي حروفه نزف دميان

..................................


القصائد بقلم هناء القحطاني

ربما عجزت روحي ان تلقاك
وعجزت عيني ان تراك ولكن لم يعجز قلبي ان ينساك.

اذا العين لم تراك فالقلب لن ينساك .

احبك موت.... لا تسألني ما الدليل
ارايت رصاصه تسأل القتيل .

ربما يبيع الانسان شيئا قد شراه
لكن لا يبيع قلباً قد هواه .

لا تسألني عن الندى فلن يكون ارق من صوتك
ولا تسألني عن وطني فقد اقمته بين يديك
ولا تسألني عن اسمي فقد نسيته عندما احببتك.

كنت انوي ان احفر اسمك على قلبي
ولكنني خشيت ان تزعجك دقات قلبي.

أن يأست يوما من حبك وفكرت في الانتحار
فلن اشنق نفسي او اطلق على نفسي النار ولن القي نفسي من ناطحة
سحاب لاني اعرف وباختصار ان عينيك اسرع وسيله للانتحار.

لا ثقه لدي الا عينيك فعيناك ارض لا تخون
فدعني انظر اليهما دعني اعرف من اكون.

لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك.

لو كان لي قلبان لعشت بواحد وابقيت قلبا في
هواك يتعذب.

انا احبك حاول ان تساعدني
فإن من بدأ المأسا ينهيها
وإن من فتح الابواب يغلقها
وإن من اشعل النيران يطفيها.

تسلم الايااااااااااااااااااادى